Latest Posts

آئی فون کا 'اسپیشل ایڈیشن' متعارف -اورقیمت صرف 70 ہزار روپے

New iPhone Product(Red) Fights Samsung's Special Edition Red Galaxy
ایپل نے غیر متوقع طور پر اپنا ایک نیا آئی فون متعارف کرا دیا ہے۔

ویسے تو یہ آئی فون 8 اور آئی فون 8 پلس ہی ہے مگر اس کی انفرادیت یہ ہے کہ لگاتار دوسرے سال ایپل نے اپنی اس فلیگ شپ ڈیوائس کو سرخ رنگ میں اسپیشل ایڈیشن کے طور پر پیش کیا ہے۔



اس سے پہلے گزشتہ سال ایپل کی جانب سے پہلی بار آئی فون سیون اور سیون پلس کے سرخ رنگ میں اسپیشل ایڈیشن کو متعارف کرایا گیا تھا اور اب مسلسل دوسرے سال ایسا کیا ہے۔

پیر (8 اپریل) کو ایپل نے اپنے فلیگ شپ فون کے اس نئے ورژن کو متعارف کرایا جو کہ ریڈ پروگرام کا حصہ ہے جس کا مقصد افریقہ میں ایچ آئی وی اور ایڈز سے مقابلے کے لیے فنڈز اکھٹا کرنا ہے۔

ایپل کے مطابق 2006 سے ریڈ پروگرام کے ساتھ شراکت داری کے دوران وہ 16 کروڑ ڈالرز سے زائد عطیہ کرچکی ہے۔

تاہم آئی فون ایکس کو اس منفرد رنگ میں متعارف نہیں کرایا گیا۔

یہ آئی فون کی دس سالہ تاریخ میں دوسری بار ہے کہ اس رنگ کا فون فروخت کے لیے پیش کیا جارہا ہے۔

اس اسپیشل ایڈیشن آئی فون کی قیمت گزشتہ سال ستمبر میں متعارف کرائے گئے آئی فون ایٹ اور ایٹ پلس جتنی ہی ہے۔

یہ فون رواں ہفتے کے دوران دستیاب ہوگا اور آئی فون ایٹ (ریڈ ایڈیشن) 699 ڈالرز (70 ہزار پاکستانی روپے سے زائد) جبکہ آئی فون ایٹ پلس (ریڈ ایڈیشن) 799 ڈالرز (80 ہزار پاکستانی روپے سے زائد) میں فروخت کیا جائے گا۔

HD Photos Designed by Templateism.com Copyright © 2014

Theme images by Bim. Powered by Blogger.